Wangsit di Saritem

Bulan puasa jiga ngagupayan, nitah balik. Apa, Ema, jeung adi-adi kokolébatan dina kongkolak panon. Benduna Apa masih kénéh napel dina ceuli. "Aing teu hayang gableg anak jadi ublag. Liar jiga sato. Indit siah ti dieu..!" saur anjeunna harita. Kuring diusir sapajodogan.
Peuting ayeuna kénéh kudu balik. Indit bari mawa niat nu buleud. Kabéh pakaya ladang rucah ditinggalkeun, teu melang teu nineung. Iblis roroésan, ngahalangan léngkah. Robbana dzolamna anfusana waillam taghfirlana watarhamna lanakunanna minal khosirin...