Harakiri

Majarkeun leuwih hadé nemahan pati batan nanggung wiwirang. Anéh puguh gé pipikiranna téh. Éléh dina pemilihan lurah, langsung ngamuk. Hulang-huleng bari muru rél karéta. Awakna diteunggarkeun kana karéta api. Ngaguling karétana.
"Modar waé meni hésé. Aing hayang paéh!" gorowokna meupeuskeun simpé. Ngagidig rék mapag pati. Élmu wedukna nunutur. "Hayang paéh...!" ceuceuleuweungan sorangan.