Kabéh manusa nu kapanggih pasti diasupkeun kana kapal. Asal bisa ngajawab pananya nakodana: Pangéran anjeun saha? Ageman anjeun naon? Lampah saha nu panghadéna kudu diconto?
Ngarangkleung dina umpalan cai nu beuki motah. Awéwé, lalaki, kolot,jeung budak patingkerebek. Bangké sato jeung layon manusa pacampur. Ilang sagala kahormatan diri waktu keur hirupna.
Naon nu baheula dipikasieun, ayeuna bukti. Unggal tempat laun-laun nyagara. Hujan teu daék eureun.
Nalika kapal ngadeukeutan Monas. Galéong kapal rék tikelebuh. Anéh. Réang istighfar. Opat jalma anjeucleu luhureun tugu. Narangtung. Gugupay ka luhur. “Hayu asup kana kapal..!” ceuk Nakoda. “Érék nungguan tali ti langit kuring mah,” jawab maranéhna. Angin ngagelebug lilimbungan. Parahu badag kaangkat, laju ngapung ka jomantara.
No comments:
Post a Comment