Beuki gedé beuki karasa bédana jeung batur. Batur mah harayang sakola. Uingah mugen. Keur nanahaon sakola. Geuning guruna gé barodo. Pilakadar ditanya naha uing béda ti nu séjén. Euweuh nu barisaeun ngajawab.
Hirup asa nunggelis. Teu boga sobat. Sarieuneun. Pédah mun ambek. Ngadadak awak kahuruan. Naon waé nu deukeut, pasti tutung. Mun sakalieun keur ngarumpul. Heug uing nyampeurkeun. Lalumpatan.
Apal kitu. Uing tara lunta deui. Sapopoé cicing di imah. Nyorangan di kamar. Ngatik diri. Ngawasa kakuatan nu nyamuni dina awak.
Hiji waktu ema ribut. Gas béak. Teu bisa masak. "Teu kedah bingung, Ma. Ku uing dibantu," cekéng téh. Katél, langseng, atawa panci. Cukup disuhun. Lima menit geus arasak.
Kiwari, tatangga salembur ngantay ka imah bari marawa pasakeun.
No comments:
Post a Comment