Iblis ngabarakatak bari ngéngklak. Manéhna bungah sabab anak buahna ti bangsa manusa beuki nambahan. "Adam, ténjo turunan silaing geus bariluk ka aing!" gorowokna meulah simpé. Jul-jol nu daratang, nyarembah. Iman dileupaskeun tina dada. Néangan bagja saharita. Agul ku pangkat jeung jabatan. Siga enya padahal bohong. Isukan kumaha engké.
Neundeun harepan dina sugan. Ukur ngarep-ngarep kana mudah-mudahan.
Mending kitu mending kieu. Aya réwuan pilihan. Rempeg. Aing nu aing. "Ceuk saha?" aya nu nanya. Angin ngulibek dina uteuk nguwak-ngawik logika.
No comments:
Post a Comment