Nu Curhat di Pacilingan

Lamun aya geugeuleuh, aing nu kudu ngagawéan. Embung manéh mah. Ungkara nu garoréng, dikaaingkeun deui. Najan loba jasa, aing tara disebut. Goréng keur aing, alus keur sia. Euweuh mendingna. Untung kénéh aing masih daék ngabarengan sia. Nu ambek kaciri nyeuneu.
Keun, sing sabar, Lur! Éta mah geus taqdir anjeun, tarimakeun. Nu Maha Kawasa ngahaja nyiptakeun anjeun, pikeun ngalengkepan. Cacak mun euweuh anjeun, meureun kuring kumaha. Antaré naker ngajawabna, bari imut.
Pikir ku anjeun! Rék ambek terus, pék! Omat, anjeun kudu ngucapkeun syukur ka Ilahi. Tong dijawab naon nu bakal ditanyakeun ku kuring. Éta cincin emas jeung arloji mérk Roléx naha aya di anjeun? Sakedapan manéhna ngahuleng. laju ngélémés.