Halis

Horéng aya kénéh élmu karuhun nu bisa ngabédakeun mana parawan asli jeung mana nu lain. Anéh mémang, tapi da aya dikieuna. "Lain nanaon nu ku Abah ditingali téh, halisna!" kitu ceuk Bah Subur waktu ditanya muridna, Jang Sigit, ngeunaan élmu ahéngna téa. Isukna, hareupeun imah Bah Subur ngumpul réwuan halis nu rék démo. "Subur, kadieu siah!" halis pating gorowok nyalukan Bah Subur nu keur ngaréngkol handapeun ranjang bari ngadégdég.