Peuting kukurilingan kawas nu gering. Obat kuat dianggap jimat keur ngudag-ngudag ni'mat, dibekel ngarah si éta angger besekel. Lélétak dina leutak buyatak. Indit magrib mulang beurang. Taya kacapé jauh ka lungsé. Imah salin rupa jadi terminal, ka anak-pamajikan jadi bengal. Kakawasaan jeung jabatan disembah. Ustad asalna, kalakuan badis bangsat. Sorban jeung kopéah ngan saukur hiasan.
"Saya akan membangun daérah ini andai terpilih!" gorowokna. "Enam puluh persén gaji saya tiap bulan disumbangkan buat fakir-miskin!" jangjina. Nomer urut maranéhna pada nyolok, pada nojos. Ampir sataun nu pernah jangji teu pernah némbongan deui. "Yang kalian jangjikan, tak pernah teréalisasi..!" nu darémo gogorowokan. Aya nu neundeun bom waktu di unggal rohangan. Ngabeledug ngancurkeun gedong déwan.
No comments:
Post a Comment