Teuing kunaon, mindeng nyeri sirah, uteuk nyanyautan. Henteu
apal sabab-sababna mah. Embung ka dokter deui, sieun disuntik..!
Panon karasa asa nolol mun geus kumat panyakitna.
"Omat, ulah sok rajeun museurkeun pikiran!" amanat aki saméméh maot.
Watir ku diri sorangan. Entong loba teuing mikir, cenah. Rada anéh puguh gé
naha teu meunang mikir.
"Oh, my God..!" ceuk salah saurang profésor nu
ngahaja didatangkeun ti Jérman ku Abah semu kagét. "For doing some thing,
you... just mikir sedikit," cenah deui baé.
Omongan profésor éta bet jadi pikiran. Uing jadi mikir,
museurkeun pikiran kana hiji titik. Riyeg dunya inggeung, uing ngajanggélék
jadi Suparman, aéh Supermén!
Melesat ka jomantara, ngapung ngawang-ngawang. Imeut
ningalian pulo-pulo nu aya di nagri Indonésia. Naha Pulo Jawa bet euweuh? Duka
ka marana urang Sunda?
No comments:
Post a Comment