Kuburan

Karék gé reureuh tina pananya dua malaikat Munkar jeung Nakir, kareungeu di luhur aya nu daratang. "Ustad, ané do'akan semoga énté bisa ngejawab semué pertanyaan malaikat," sora Wan Abud. "Beuh, telat ilaing mah ngadu'ana," cekéng téh. "Ulah hariwang, euy! Randa ilaing ku déwék bakal dikawin ha ha ha...," sora saingan ngaharéwos kana tetengger. Ampir wé kuring luncat ka luhur, tadina mah rék ngababuk caréhamna Si Karta. Ngan hanjakal kuring téh geus paéh.