Bumi Ageung

Barasat aya cahaya ngempur ti tengah Kolam Renang. "Ulah reuwas, kula gé hayang miluan ngariung dina Cuang Lawung I," ceuk hiji sora tanpa wujud. Meunang sawatara lila kaayaan simpé, musik dangdut eureun, penyanyina calangap. "Iraha kula kabagéan jogéd," tanya nu anyar datang.
"Anjeun saha?" salah saurang fikminer nanya, asa-asa. "Gatotkaca!" jawabna pondok. "Euh, manawi téh Gajah Mada," ceuk nu nanya tadi. "Ulah gagabah nyarita téh, bisi dicabok!" manéhna nyentak bari molotot. Nu nanya ngayekyek nepi ka ngiihan sorangan. Gatotkaca naék kana panggung, jogéd nepi ka subuh...