Bilyar

Bola disodok satakerna, ngabelenyeng luncat kaluar. Inggis jadi masalah, gancang bola diudag maksud téh rék dicokot deui. Les bola ngaleungit, janggélék jadi awéwé nu papakéanana matak muringkak, ngan ukur maké bikini. "Yoko nami abdi, nepangkeun!" ceuk manéhna bari ngasongkeun leungeun katuhuna. Awakna beuki lila beuki ngagedéan jiga balon gas, laju ngajelegur bitu. Ruhak patingbarasat dina panon, nembus kana haté jadi kasono...